Бөлүмдөр
Жекшемби, 18-август
Ысык-Көл облусу, Чолпон-Ата 21.05.2019 13:25 Жаңыланды: 02.06.2019 22:25

Чолпон-Атанын тургуну 100 миң долларлык сүрөттөрдүн коллекциясын көрсөттү

Turmush -  Ысык-Көл облусунун Чолпон-Ата шаарынын 67 жаштагы тургуну Рашид Коңурбаев 26 жылдан бери белгилүү сүрөтчүлөрдүн мыкты эмгектерин чогултуп келет. Аймактык кабарчы аны менен таанышты.

Рашид Коңурбаев өмүр бою кино тармагында эмгектенсе да сүрөт тартууга кызыгып, пейзаж менен жанрдык чыгармалардын коллекциясын 1993-жылдан бери чогултуп жүргөн.

«Сүрөтчүлөрдүн мыкты эмгектерин сатып алууну адатка айланткам. Учурда коллекциямда 98 сүрөтчүдөн сатып алган ар кандай темадагы 500дөн ашуун картина бар. Өзүм дагы 10го жакын сүрөт тарткам.

4 баланын атасымын, 2 кызым Америкада жашагандыктан, ал жактан дагы айрым картиналарды алып келгем. Учурда сүрөттөрүмдүн көбүн балдарыма, туугандарыма бөлүп берип жатам. Коллекциямдын бир бөлүгүн Чолпон-Ата шаарындагы Ысык-Көл облустук тарыхый маданий корук музейине көргөзмө катары койдум. Бул музейге дагы 30дан ашуун эмгекти белекке бердим. Жалпысынан коллекциямдагы сүрөттөргө 100 миң долларга жакын каражат сарптаган экенмин», - деп билдирди Р.Коңурбаев.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×